اسكەري بورىشىن ابىرويمەن اتقارعان قر ۇلتتىق ۇلانىنىڭ 5511 بولىمىندەگى 200-گە جۋىق قىزمەتكەرلەر ارنايى ماراپات قاعازدارمەن جانە باعالى سىيلىقتارمەن ماراپاتتالدى. بۇلاردىڭ ىشىندەگى ەڭ ۇزدىكتەرى الداعى ۋاقىتتا ىشكى ىستەر ورگاندارىنا جۇمىسقا تۇرۋعا مۇمكىندىك بەرەتىن مىنەزدەمەلىك ۇسىنىس حاتقا يە بولدى. سونداي-اق, ولاردىڭ بارلىعى قر ىشكى ىستەر مينيسترلىگىنىڭ جوعارى وقۋ ورىندارىندا بىلىمدەرىن جەتىلدىرە الادى.
- ءوز قىزمەتتەرىن بەرىلگەن ۋاقىتتا جاقسى اتقارعان اسكەري قىزمەتكەرلەرگە جينالعان حالىق العىستارىن جاۋدىرىپ جاتىر,-دەدى قر ۇلتتىق ۇلانى «شىعىس» وڭىرلىك قولباسشىلىعىنىڭ, باسپاسوزبەن بايلانىس قىزمەتىنىڭ باستىعى باعدات امانگەلدى,- بارلىعى اتا زاڭدى قۇرمەتتەپ, ەل سەنىمىنەن شىعا ءبىلدى. ءبىز دە زاپاسقا شىعىپ وتىرعان وسى ارىپتەستەرىمىزگە تابىستار تىلەيمىز.
اسكەري ءبولىمىنىڭ كومانديرى مىندەتىن اتقارۋشى مايور عازيزجان ماحيموۆ تا ولارعا ءسات-ساپار تىلەدى. ال 5511 اسكەري ءبولىمىنىڭ ارداگەرلەرى كەڭەسىنىڭ توراعاسى, زاپاستاعى مايور مۇرات ورازعاليەۆ جانە تاعى باسقالارى اسكەري قىزمەتكەرلەردىڭ بولاشاعىنا دەگەن زور سەنىم ءبىلدىردى. «ۇيلەرىڭىزگە امان-ەسەن جەتىڭىزدەر, سىزدەر وسى بولىمدە قاراپايىم سارباز بولىپ, ەڭبەك جولىن باستادىڭىزدار. وسىنى ەشقاشاندا ۇمىتپاي ۇلتتىق گۆاردياعا قاي جەردە, قاي قالادا بولسا دا قوسىلىپ, ەلىمىزدىڭ ابىرويى مەن قورعانىسى ءۇشىن قىزمەت ەتۋگە دايىن بولىڭىزدار» دەپ اق جول تىلەدى.
راۋشان نۇعمانبەكوۆا
Cۋرەتتى تۇسىرگەن اۆتور.
سەمەي
